Հայ կաթողիկէ Եկեղեցւոյ մնայուն սիւնհոդոս` Հռոմի մէջ
Հայ կաթողիկէ Եկեղեցւոյ մնայուն սիւնհոդոս պիտի գումարուի Հռոմի մէջ յառաջիկայ 19 եւ
20 մարտ 2014-ին, հրաւէրով եւ նախագահութեամբ Տանն Կիլիկիոյ կաթողիկէ հայոց ամենապատիւ
Տէր Ներսէս Պետրոս ԺԹ. Կաթողիկոս Պատրիարքին: Սիւնհոդոսին պիտի մասնակցին արհի. Պետրոս
արք. Միրիաթեան, արհի. հայր Գրիգոր եպս. Ղապրոյեան, արհի. հայր Յովհաննէս եպս. Թէյրուզեան
եւ արհի. հայր Օգոստինոս եպս. Գուսան: Ինչպէս նաեւ այս օրերուն պիտի գումարուի Հռոմի մատակարարական յանձնախումբի ժողովը նախագահութեամբ Տանն Կիլիկիոյ կաթողիկէ հայոց ամենապատիւ Տէր Ներսէս Պետրոս ԺԹ. Կաթողիկոս Պատրիարքին եւ մասնակցութեամբ արհի. Պետրոս արք. Միրիաթեան (նորանշանակ մատակարար Ք. Լեւոնեան հայ վարժարանի), արհի. հայր Րաֆայէլ արք. Մինասեանի, արհի. հայր Գրիգոր եպս. Ղապրոյեանի, եւ գերյ. հայր Գէորգ ծ.վ. Նորատունկեանի:
Սիւնհոդոսական հայրերը պիտի քննարկեն եկեղեցական ընդհանուր հարցերը առ ի պատրաստութիւն հայ կաթողիկէ Եկեղեցւոյ եպիսկոպոսաց Սիւնհոդոսին, որ տեղի պիտի ունենայ 2-էն 11 սեպտեմբեր 2014, Զմմառու մէջ:
| All the contents on this site are copyrighted ©. |